في
الجمعة 14 مايو 2021

جديد الديوان

03-16-2011 07:46

محاورة ساخنة بينه وبين احد الاصدقاء
قال سافر قلت وش ينقص وطنا=قال غير جو واحضر حفل غاده
قلت حدك .. قال لاتزعل تأنا=السفر فيه الاناسه والسعاده
لو تشوف اللي على المسرح تثنى =والله لتنسيك ثقلك والركاده
قلت وقف لاتكمّل يالمعنى=صاحبك طرد الهواء ماهو مراده
اثرك المخدوع وعلومك هفنا=وعينك بجنبك مثل عين الجراده
الاناسه والسعاده بين اهلنا=يامدوّر للدنايا والنقاده
شوف براق الحيا منا ومنا=ربعت دار الشهامه والرياده
خاوني يابن النشاما لاتونا=نشرب الغربي ليا ذعذع براده
ان تنادمنا على هيلٍ وبنا=وانتنقل من حماده في حماده
واترك ديار الخلاعه والمجنا=وشايبٍ وصاك لاتترك شداده
قال وش هذا التخلف حل عنا=قهوتي في كوب والسكر زياده
الشباب اليوم يطلب كل فنا=وانت تطمر من ثمامه في عراده
قلت يالله ترشده فارق ضعنا=مابا اقول النار تاليها رماده
قال لاتطلب هداي ولا تمنا=لاتكفرني وانا انطق بالشهاده
قلت غاوي خايبٍ بك كل ظنا=مثلك من المجتمع واجب جهاده
قال انا بنام رح لاتمتحنا=قلت تدري!! نومة الظالم عباده

تعليقات 0 | إهداء 0 | زيارات 2626


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.01/10 (16 صوت)

Powered by Dimofinf cms Version 3.0.0
Copyright© Dimensions Of Information Inc.