في
الأحد 21 يوليو 2024

جديد الديوان

02-17-2022 09:49

يالله تفك السجين اللي قضى في السجن مده
نادم تايب ولاله حيل في الامر السماوي

يعلم الله ان شي صار له ماهو بوده
مير لاحل القدر ماتمنعه كثر المناوي

في غياهب سجنه ، اللي جاه من همه يسده
مايمر النوم عين اللي وراه الذيب عاوي

ياعتيبه يزهم محمد وينخا ذخر جده
ياعتيبه ياعتيبه لاتخلون العطاوي

وينكم ياهل الرياده والمرابط والاشده
وينكم ياهل المواقف والحمايا والعزاوي

وينكم يافزعة اللي يعتزي والوقت ضده
نخوته تنصى الشيوخ وكل شغموم حماوي

وينكم ياذخر قسام وعطاوي ن نعده
وينكم ياعزوته مزحم بعيدين الهقاوي

وينكم يالاد روق اللي لكم صوله ورده
لاتخلون السجين اللي نخاكم بالتساوي

مالكم ياهل المواقف والعوايد عنه صده
انتم اهل اللازم انتم خيل البل وانا ضاوي

ذكروني وقفت صارت لربعي قبل مده
يوم نطلنا العمايم المقل اصبح غناوي

من يخلي ماقفه يمه نظرنا مانلده
ونرفع الرايات للي يارد بحبلٍ رهاوي

وينكم ياهل الحمايا والعزوم المستعده
جاوبوا صرخة سجين ن للحمل ماهو بقاوي

قام ينخا كل طيب بعد جاب الوقت سده
ويعتزي في كل شغموم ٍ قطامي ن نداوي

ويزهم عتيبه باساميهم بعد مالوقت حده
ومع مقام عتيبه الهيلا يهونن الدعاوي

ويزهم اهل الخير من بحر الخليج لباب جده
والموفق دايم بفعل الجمايل مايراوي

يكسب اجر وخير من رب الملا باللي يمده
الحساني درع من دون المصايب والبلاوي

ضاوي العصيمي

تعليقات 0 | إهداء 0 | زيارات 477


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
0.00/10 (0 صوت)