في
الأحد 21 يوليو 2024

جديد الديوان

02-17-2022 08:34

بعض من ماقال شاعرنا في حملة في حملة عتق رقبة طلق الرويبخ المقاطي
1
قام الرويبخ يزهم عتيبه عموم
معلق ٍ في الله ثم فيهم رجاه

برقا وروق اهل المفاخر والعزوم
فزعة غريبٍ جابت الحاجه خفاه

ماعاد ياعتيبه ورى هذا لزوم
والعز في حذفت حصاة مع حصاه

تكفون في العشر الاواخر يالقروم
نبا مقام ٍ يلحق الشايب هواه

كل بمقدوره مع اللابه يقوم
ومن مد لله شي يبشر بالغنانه

ضاوي العصيمي

،،،،،،،،،،،،،،،
2
ياللي تبون الاجر من عتق الرقاب الوقت حان
تغانموا شايب عتيبه كل ٍ بما يستطيع

جمعه وليلة تسعه وعشرين من شهر رمضان
واللي يقدم شي لله عند ربه مايضيع

ضاوي العصيمي
،،،،،،،،،
3
راح الكثير ولابقي غير القليل
وعتيبه الهيلا عزايمهم كبار

يثنون في الماقف ليا شح البخيل
ويجنّبون قصير اليمنىٰ يسار

بعد الرويبخ صاح بالصوت الطويل
ردوا على صوته بما تبغاه صار

على طويل الباع ياهون الجميل
والحر اله مطلاع في تال النهار

ضاوي العصيمي
،،،،،،،،،،
4
صوت الرويبخ كل من يوحي اوحاه
ينخا عتيبه بالجدود الاوايل

ياعزوتي ياهل الطروق المخلاه
وش عذركم قدام كل القبايل

قوموا مقام عنه ينهى المعاناه
المال فاني والبقا للجمايل

ضاوي العصيمي
،،،،،،،،،
5
صوت الرويبخ كل من يوحي اوحاه
ينخا عتيبه بالجدود الاوايل

ياعزوتي ياهل الطروق المخلاه
وش عذركم قدام كل القبايل

قوموا مقام عنه ينهى المعاناه
المال فاني والبقا للجمايل

ضاوي العصيمي

تعليقات 0 | إهداء 0 | زيارات 466


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
0.00/10 (0 صوت)