في
الجمعة 14 مايو 2021

جديد الديوان

03-19-2018 09:50

اهداء ل مصلح بن عايض بن مزيد في زواج الابن بندر


عند مصلح طويل الباع زبن المجنا

سيف ربعه وفي وقت الشدايد ذراها


الكريم الشجاع اللي حما ورث اهلنا

وسمعة الخامس بشرق البلاد احتماها


مرحبا بالقريب وضيفنا اللي تعنا

مرحبا هيل كثر امتار دارٍ مشاها


والله انا بشوف ضيوفنا والله انا

نرفع الروس من زود الفرح ونتباها


الكرم من قديم الوقت فينا ومنا

الجمايل نسويها مانسبر جزاها


عادةٍ كاينه بقلوبنا يوم كنا

ورث من عايض اللي في عياله بناها


ونحمد الله وصلنا للمعالي وصلنا

بالعزايم وهقواتٍ بعيدٍ مداها


من غدر به زمانه بشّره لازبنا

والله ليدله وينسى الهموم وغثاها


من خلقنا وحنا اهل النواميس حنا

نذبح ام الشحم والنار يجذب سناها


وعند ابو بندر الليله بالاجماع قلنا

للضيوف الكرام اللي كبيرٍ غلاها


مرحبا مرحبا يبراه هيلٍ وبنا

وعودٍ ازرق يباريها وحيلٍ وراها


ليلةٍ خالده يارب تحفظ وطنا

من حضرها يبا يبطي وهو مانساها


لاح فيها الفرح والخير منا ومنا

صافح بنوره الحفله ونوّر سماها


وحشمة القرم بندر شاعر القاف غنا

وكل مطنوخ عن راسه شماغه رماها


بندر النادر اللي جا على كل ظنا

الله يوفقه والنفس يبلغ مناها


ضاوي العصيمي

تعليقات 0 | إهداء 0 | زيارات 1041


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
5.00/10 (21 صوت)

Powered by Dimofinf cms Version 3.0.0
Copyright© Dimensions Of Information Inc.