في
الإثنين 21 يونيو 2021

جديد الديوان

03-19-2018 09:45

كتب شاعرنا هذه الابيات وجاراها عدد من الشعراء

الحمدلله ما ارسل غير للغانمين

والا الردي لايراسالني ولا ارسل عليه


اصحابي افخر بهم واعتز في كل حين

شيوخ واعيان ورجال طليقة وجيه

ضاوي العصيمي

،،،،،،،،،،،،،،،،،،،،،،،،،،

حييت يابوزياد القرم ذرب اليمين

ياشاعر عتيبه اللي دايمن نحتريه


لاجت محافل قبيلتنا لزومن يبين

متفردً بالمعاني مايجيله شبيه

محمد بن شجاع الغبيوي

،،،،،،،،،،،،،،،،،،،،،

يامرحبا وانت مرسولك ياضاوي ثمين

وعرفك وقربك ترانا بالذهب نشتريه


وحنا بعد نفتخر في عرفنا الطيبين

يالطيّب اللي ليا من غاب عنا نجيه

النقيب عايش ابوليل السبيعي

،،،،،،،،،،،،،،،،،،،،،،،

عداد جمع الحجيج اللي بدو في القرين

يامرحبا بابن عايض والغلا يحتريه



يامرحبا ياعريب الجد ذرب الييمين

شاعر عتيبة وتعطي كل جزله يديه

جزاء بن حسن بن خيشوم

،،،،،،،،،،،،،،،،،،،،،

ترسل رسايلك يا ضاوي بتقوى ودين

على معزه وطيب وكل علمٍ نزيه


صحبتك نفخر بها في كل وقتٍ وحين

ابو زياد المراجل كلها تهتويه

محمد بن حامدبن سند

،،،،،،،،،،،،،،،،،،،،،،،،،،،

الحمد لله رب الخلق و العالمين

ربٍ جعلني عتيبي ماجعل لي شبيه


دنياك هذي تجارب والحقايق تبين

ولوكان ضاوي نبيه يصير مالايبيه

عبدالرحمن بن حنس المرشدي

،،،،،،،،،،،،،،،،،،،،،،،،

يامرحبا باليمين اللي بدرب اليمين

اللي وراء هقوت الهاقي ماني محتريه


يسبق ولاينسبق في ماكر الطيبين

والطيب اللي سواته ماقفه يحتميه

سعد طلق المقاطي

،،،،،،،،،،،،،،،،،،،،،،

ارحب ياضاوي ياعشير الطيبين

ابياتك الجزله تهيض من تجيه

شاعر كفو ومن الرجال الكايدين

انشهد ان شرواك عرفه نشتريه

محمد بن هملان

،،،،،،،،،،،،،،،،،،،،،،

نعمين ياكسبن ثنتين دنيا ودين
... يالصاحب اللي مناقيد العرب ماتجيه .

حنا نخاوي لمثلك ياطليق اليمين
... والا الردي لويخاوينا ترى مانبيه .
خلف الرقاص

،،،،،،،،،،،،،،،،،،،،،،

ياضاوي ابدع واصدع بحقن مبين

واترك هزيلات الكلم في سردكم لا تعتنيه

وابعد متبعة السراب الغاويه واللي دوين

انته تعرف اليمه اللي توردك للي تبيه

شعيان ابو سباحه

،،،،،،،،،،،،،،،،،،،،،،،،،

تستاهل الطيب والخوه وجاهك سمين

يبن الكرام اللي طيبهم ثابت مانحتريه

الك الفخر والناالفخرمع طول السنين

ابن عم وعزيزوطيبه دومن نشتهيه


نقاء بن فهيد

تعليقات 0 | إهداء 0 | زيارات 1353


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.00/10 (20 صوت)

Powered by Dimofinf cms Version 3.0.0
Copyright© Dimensions Of Information Inc.