في
الجمعة 14 مايو 2021

جديد الديوان

03-18-2018 09:24


هذه الابيات وصلت شاعرنا من الشاعر
حمود بن عتيق العصيمي

يابنات الفكر جزلات الفرايد

سجلي مالاق من شعرٍ مصفا

اخذي الحيطه قبل بدع الجدايد

واستثيري هاجس الشاعر على افا

وجهتك للشرق والمعنى محايد

وماردك نجمٍ ليا جيتيه كفا

ابن عمٍ كاسبٍ طيب العوايد

في مجال الطيب ماعمره تخفا

ضاوي اللي بالكرم والطيب زايد

شاعرٍ لاقام في الماجوب وفا

علميه ان العرب راحت بدايد

والضمير الحي فى اغلبهم توفا

وبلغيه ان الحمل لاصار كايد

التعاون يجعل الكايد يحفا

وشاوريه وسجلي رايه على ايد

والسلام ختام ماقلنا على افا

حمود بن عتيق العصيمي


رد ابو زياد

ياضميري لاتجيب الا الجوايد

حشمة ل حمود والشعر المقفا

بعد قلطني على جزل الموايد

وشب مصباح القريحه عقب طفا

مرحبا ياذخر صافين العقايد

متعبت للطاله الحر المعفا

من زبنهم لاحقه ضيم ونكايد

يامن وحيضان طلابه تكفا

مايفرق صفهم طرد الزهايد

يقفي النمام عنهم ماتشفا

وهالزمن ياحمود فيه الامن سايد

يقفي المقفي ما تدري ليه قفا

لكن الطيب ليا جات الشدايد

جا يسوق الروح للعزوه ورفا

وانت وانا مع وسيعين البنايد

بالجهد والمال والشعر المقفا

ضاوي العصيمي

تعليقات 0 | إهداء 0 | زيارات 1154


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.00/10 (20 صوت)

Powered by Dimofinf cms Version 3.0.0
Copyright© Dimensions Of Information Inc.