في
الجمعة 14 مايو 2021

جديد الديوان

03-18-2018 09:23

لاصار موجود مال البرد حولي وجود

وان غاب عني حضر بردي وغاب الدفا


ادفا بشوفه عسى ايام الهجر ماتعود

الله لايسقي ايام الزعل والجفا


ليت الليالي بقربه كل ليله تجود

واقرأ تفاصيل شلالٍ تنثر قفا


وبين المحيا الصبوح وبين غض النهود

اعيش عيشة كريم ٍ له زمانه صفا


اشعل شموع المشاعر بعد طال الجمود

راح الكدر والفرح بعد اغترابه لفا


واعوض اللي مضى واجتاز بعض الحدود

واقول ماجدت به في حاجتي ماكفا


واعانق انفاسه اللي مثل فوح الورود

ومصباح خدن نهاره والمساء ماطفا


واشرب رحيق السوالف شرب ضميا الكبود

سوالف اغلى البشر لجروح روحي شفا


ونغيب غيبة هناء عن كل مافي الوجود

نبحر بمركب هوانا في بحور الوفا


نسدل ثقيل الستاره دون عين الحسود

ونكشف خفايا القلوب ونظهر اللي خفا


ضاوي العصيمي


تعليقات 0 | إهداء 0 | زيارات 1057


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.00/10 (20 صوت)

Powered by Dimofinf cms Version 3.0.0
Copyright© Dimensions Of Information Inc.