في
الإثنين 21 يونيو 2021

جديد الديوان

03-18-2018 09:19

ياهاجسي بالحروف العوب فيض

وافضح بها اللي على الدرب اعترض


الواشي الحاقد النذل المريض

اللي عن الطيبه حظه ربض


شين الطبوع اسود الوجه البغيض

اللي يشيل البعض فوق البعض


لو حقق المبتغىٰ ماهو حضيض

امحق مرام ادركه وامحق غرض


سجل سجاياه بالخط العريض

نمام حكاي في قلبه مرض


لو يلبس من القماش اثياب بيض

الداخل اسود مثل فحم القرض


يجم بالحقد صدره مايغيض

عقور من يوم تقفي عنه عض


لو هو من بعيد يطلع له وميض

من حين ماتقرب النور انخفض


ينضح بمافيه من همج وخويض

عساه في اهل الوفاء ماهو عوض


يالقرم في صحبة الاش استعيض

باللي ليا قلت يالمحزم نهض


في لازمك لانخيته مايريض

وليا اعتزا اما فتل والا نقض


ضاوي العصيمي

تعليقات 0 | إهداء 0 | زيارات 949


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
2.23/10 (38 صوت)

Powered by Dimofinf cms Version 3.0.0
Copyright© Dimensions Of Information Inc.