في
الخميس 13 مايو 2021

جديد الديوان

03-18-2018 09:08

كتبت بتاريخ 15/6/ 1439هـ


الأولة يالله يا رب الملا الفرد الصمد

يا فارج الكربه معين اللي بعونك يستعين


يسالك عبدٍ دمعته تذرف ليا منه سجد

خشيه وخوفٍ منك ‏يارحم من جميع الراحمين


و الثانية يا خادم البيتين يافخر البلد

وجهك وجاهك يا ملكنا يا إمام المسلمين


بعد الله المعبود فيك امالنا يا بو فهد

وجاهك مقدر يا ملكنا عند كل الطيبين


واميرنا المحبوب أبو سلمان حلال العقد‏

ننخاه تكفا يا محمد شيخنا ذرب اليمين


انت الملاذ بساعة الخطب الجلل وانت السند

فيك الرجاء بعد رجانا في الٰه العالمين


مطلوب جاه ملوكنا وملوكنا عون ومدد

عند الكريم محمد بن درع ذخر الغانمين


واخوانه اهل الجود واهل المرجله واهل الجهد

مع درب ابوهم درع رمز الطيب ذباح السمين


والاد مشيب وجهة الامداح من ماض الامد

عاداتهم كسب العلوم الطيبه في كل حين


انتم وحنا ياعصابة روسنا مثل الجسد

لاصاب عضو الضر يحزنا وننصاب اجمعين


مير المقدر ياجماعتنا يحل بلا وعد

امر مقدر والعفو والصفح طبع المحسنين


نطلبكم بجاه الملك سلمان ياوجيه السعد

ونجله ولي العهد امير الرؤيه الشهم الامين


وجاه المشايخ والشيوخ وكل من جاهه ورد

عد الروى اللي جمته تروي كبود الواردين


العفو ياهل العفو معروفٍ نشيله للابد

معلقن في ارقابنا مادام حنا عايشين


ويورثه منا الابو من ضمن ورثه للولد

ماينسي ولاتغيره الليالي والسنين


تكفون ياللي طيبكم ماله حدود ولاعدد

تكفون ياهل العتق واهل العفو والفعل الثمين


اعفو عن الشايب ترا يكفيه حزنه والنكد

من يوم ربي قدّر المكتوب والشايب حزين


قلبه رعاه الهم وعيونه مطاولها السهد

يبكي ويبكيه الصغار اللي لبوهم فاقدين


جسمه نحل والدم في عروقه من همومه جمد

مامن ورا ذبح المقيّد فود وانتم خابرين


اعفو عنه لله رب البيت ياطيور الهدد

العفو عند المقدره وانتم كرام

وقادرين

ضاوي العصيمي


تعليقات 0 | إهداء 0 | زيارات 1128


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
3.18/10 (49 صوت)

Powered by Dimofinf cms Version 3.0.0
Copyright© Dimensions Of Information Inc.