في
الإثنين 21 يونيو 2021

جديد الديوان

04-20-2011 04:25

ياونيت البدو ماشفت انا مثلك ونيت =فارقٍ شكلك ولونك ومشيك بختره 
والله اني من لمحتك على الضيحه دريت =ان باللوحات تصدير والسايق ( مره )
وفز لك قلبي على غير عاداته وجيت =جيت حتى دقت المنظره بالمنظره
والتفت ربان طارتك صوبي واعتزيت =عزوت اللي شاف مازاد غيضه وقـهـره
احسب انه يبتلي بي لكن ابه ابتليت =وكل عرقٍ من عروق الجسد جاب اخبره
وابركت بي للمواجيب عيني وانثنيت =عيب اقول الحمل جاير لوني ما اقدره
لو شربته بالنظر طول عمري مارويت = ولو تعطرته شذا عفت عود المبخره
ولو بسط كفه لكفي تجمّعت وفديت =الخضاب اللي من ابهامه اليا خنصره
من عرفت اشاغب البيض مثله مالقيت =جل من سواه باوصاف طفل وكبره
وجابني له من سعه لين في موجه غديت =اشهد انه يغرق اعـتـل شـنـب وسط بحره
قال خير ؟ وقلت طرقي على نارك ضويت =قال حــدك لاتعداه والـهـرج اقصره
قلت انا بنشدك عن شيء لكني نسيت =لا على فكره 00 ضحاياك في كم مقبره ؟
قال عفواً ياغريبٍ تماديت وغويت =المزون الـمـقـفـيـه برقها لاتسبره
وانتحى عني وانا عن هواء الغيد انتحيت =استوى عندي ربيع العذارى ودهره
مستحيل افك قلبي لغيره ماحييت =ومستحيل انساه لحظه على شان اذكره

تعليقات 0 | إهداء 0 | زيارات 1776


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.00/10 (16 صوت)

Powered by Dimofinf cms Version 3.0.0
Copyright© Dimensions Of Information Inc.