في
الإثنين 21 يونيو 2021

جديد الديوان

04-18-2011 10:05

انت المفوض وسو اللي تبي ســــوّه=الحكم لك شب والا طف مصباحي 
ان قلت ابا اذبحك لعلك على القــوّه=الذبح للحي واللي حيه جـــــراحي
جسمي غطاها من الخارج وهي جوّه=ترعي منابت فروحٍ رسمها ماحي
اشبع بي الموت يـــارجــواي ثم روّه=ان كان ماينجذب طيرك لملواحي
اطيب لي ارتاح من وقتي ومن سوّه=موتي ولا اشوف وانا حي ذباحي
من يوم مات الوفاء والصدق والخوّه=معاد يبكي حـــياته واحــدٍ صاحي
وان قلت توك وفقدان الرجــاء تــوّه=اقول ظلمك حجب عن تربتك ضاحي
انا اشـــهــد انك غليظ القلب ومفوّه=ســــارق ومزاح والمفقوده افرا حي
خــلـيـتـني للهــمـوم الســود تلهوّه=كثرت ســكاكينها يوم الـجـــمل طاحي
واليوم بيني وبين افراحي جفوّه=وياكثر ماكمّل الـمسـرى بمـســـراحي
والوقت اعانك ولاسوى بي مروّه=لـعـب بقـلـبي كما لعبي بـمـســبــاحي
اسرفت بي والزمن ساندك بحموّه=وســـلمتك الامر واتلى العهد بسلاحي
اللي بقالي من العمر الشقي طوّه=ياقاسي القلب موتي كسرت جناحي

تعليقات 0 | إهداء 0 | زيارات 1715


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.00/10 (16 صوت)

Powered by Dimofinf cms Version 3.0.0
Copyright© Dimensions Of Information Inc.