في
الجمعة 14 مايو 2021

جديد الديوان

03-22-2011 11:36

قصيدة هادفه مصبوغة بصبغة الفكاهه
ياللي تقولون جوز من الهوا كيف اجوز=الله جعل مصيدتنا لابسات العبي
هاذي غريزه وشيْءٍ بالضمير مغروز=من فيكم اللي يصد اليا عرض له ظبي ؟
من قال انا ندري انه بندقه ماتنوز=نبا البساط احمدي رفقه ولاش اجنبي
مير المصيبه غزونا لابسين الجنوز=سبوا عقول العذارى بالتغنج سبي
صادفت عذراً تمايل كنها عود موز=قلت ارحميني وقالت بالشماغ 0 تهبي
انته تراثي قديم وللبني لاتهوز=الناس وصل القمر وانته بالارض تحبي
اما بدويٍ فداوي للمشاكل نقوز=من قوم بندر وبن عبار والاكلبي
والا حضريٍ مصرقع فيك لذعة فيوز=مجنون ؟ قلت ايه ! يمكن بس ماني غبي
اعتز باللي ذكرتي يالهموز اللموز=ياللي تبين الخساره لي حصل مكسبي
البدو للمجد بيت وللشهامه رموز=والحضر عز ووفاء يابنت لاتكذبي
حنا عرب والعوايد والمذاهب كنوز=اما اقبليني بهذا الحال والا اذهبي
الله خلقني كذا0 اخسر في حياتي وافوز=لاكن لايمكن اخسر سلم جدي وابي
ياباشة الغيد انا ماني بربوة عجوز=ورثت من مذهب رجال الوفاء مذهبي
قالت تعال0 انتفاهم والرجيم محجوز=يلزمك قصه0وجنز0وكعب مثل كعبي
والسلسله والسواره كان تبغا البروز=قلت اتمكيج ؟ وقالت حبذا ياصبي!!!
قلت اتركيها تكمّل كل شخص مهزوز=لاوالله اكرم وتكرم لحيتي وشنبي
انا ثلاثين عام من الحياه معزوز=مرفوض شرطك وانا هونت عن مطلبي
قالت من اليوم غيرك بالرضا مايحوز=قلي وش اللي تبيه؟ وقلت وش ما ابي!!

تعليقات 0 | إهداء 0 | زيارات 2441


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
1.00/10 (15 صوت)

Powered by Dimofinf cms Version 3.0.0
Copyright© Dimensions Of Information Inc.