في
الإثنين 21 يونيو 2021

جديد الديوان

03-16-2011 10:06

الحسود وراعي الكذب واللاش الدنوع=والعقور اللي دبيب المسيّر تسمعه
يالله انك لاتخلي لهم بالارض نوع=مانكب عفش المحبين مثل الاربعه
كن واحدهم يصيبه على الغرات جوع=ماتنام عيونهم والسموع مفرعه
كل مامر المسلم لقا منهم فزوع=وعرضوا له في طريقه وسووا زوبعه
واجزعوه ويجزع الرجل لو ماهو جزوع=لوعة الفرقا وحذفة ختولٍ موجعه
لو يخلصنا الولي من رديين الطبوع=والله انا يالعشاشيق في خير وسعه
كان مابه في زمنا فراق ولادموع=ومن تولع له بولعه غرامه يتبعه
قالها اللي جودوا كيته بين الظلوع=ولاجداه الا يعض الشفايا واصبعه
نعنبو من لامني عصر يوم امشي واتوع=مادرى عن جمرةٍ بالفؤاد مولعه
من وليفٍ حال دونه مفرقة الجموع=معه تفكيري وقلبي وانا ماني معه
ان سكت.الشوق هيجن وشب اليّ الشموع=وباب قلبي للطواري وهمه شرعه
وان شكيت ظروف وقتٍ تهاويله تروع=قالوا العذال لن كان ماطاعك طعه!
كيف اطيع اللي عطاني مية ركبه وكوع؟=يالعواذل بعض الامثال ماهي مقنعه
المولع في هواء عشقته مطيور شوع=وقول (سو) و(سو)ترديدها ماينفعه
لن في راسه طواري وجايع ومهلوع=وشوف معشوقه غرامه وشفه وطمعه
وان تساوى في الحصيل المجي مع الرجوع=ماعرض له خير حودر وطاحت سبعه
يوم هو مقبل لخله من الفرحه يفوع=ويوم عوّد عنه جاله حنين وقرقعه

تعليقات 0 | إهداء 0 | زيارات 1524


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
0.00/10 (0 صوت)

Powered by Dimofinf cms Version 3.0.0
Copyright© Dimensions Of Information Inc.